Mundartbeitrag von:
Holl Elisabeth -
4600 Wels
elisabeth.holl@outlook.com
Alle Mundartautoren
Mundart-Datenbank |
Murmelgespräch imHerbst
Boid is Winter und wird’s koid,
sagt dar Murmö zo dar Frau,
miar brauchan nuh an gscheitn Vorrat,
dass´s gmiatlih wird ö unsern Bau.
Natürlih, sagt ah aundrer Murmö,
mia faungan hiazt gleih aun,
mia brauchan a woarms Bett zon Schlafm,
und daunn kimmt ´s Fuada draun.
Ja freihlih, sagt d´ Frau Murmö hiazt,
miar wird jo eh scho baung,
mia brauchan scho an gscheitn Vorrat,
dar Winter der is laung.
Fleißig sammön hiazt dö Murmön,
fiar eah woarmes Bett,
an Haufm Fuada tragns nuh einö,
weil hungern, dös woins net.
Endlih san ma fertig wordn,
sagt dar Murmö daunn zur Frau,
mia machan hiazt ön Winterschlaf
in unsern woarmen Bau.
|
