Mundartbeitrag von:
Holl Elisabeth -
4600 Wels
elisabeth.holl@outlook.com
Alle Mundartautoren
Mundart-Datenbank |
Dö Kärntner Autoboahmusikantn
A Pony, a Hund,
a Katz und a Goaß,
dö san amoi auszogn,
san gaunga auf d´ Roas.
Gschwind losmarschiert sans,
dös Pony vorau(n),
a Gaudi hams ghabt
dö Vier auf dar Bauh(n).
Dös Pony, ös wiehert,
dar Hund böit wau-wau,
ös meckert dö Goaß
und d´ Katz schreit miau.
D´ Ganddarm san daunn kema
und woitn´s verjagn,
doh dös ham dö Vier
scho goar net vertragn.
Da kimmt scho dar Bauer
mit´n Viehwagn daher,
faungts nach dar Reih´ eini –
und aus is dös Gscher.
Hiazt woarn sö sih einig:
Miar ziagn gwiß nimma aus,
dahoam is´s weit schena,
da jagn „Miar“ d´ Ganddarm ausn Haus.
|
