Mundartbeitrag von:
Holl Elisabeth -
4600 Wels
elisabeth.holl@outlook.com
Alle Mundartautoren
Mundart-Datenbank |
Da Hirest
Da Laubwoid leicht´ in bunter Pracht,
da Hirest is im Land,
er hat sih fiar uns anglegt hiazt
sein allerschenstes Gwand.
Liegt ah dar Nebö in dar Friah
ganz dicht nuh üban See,
wann d´Sunn´ durchbricht, da is´s dann sche´
im Tal und auf da Heh´.
D´Natur ladt nuh zum Wandern ein,
sei gscheit, und tua´s,und hoi dar Kraft,
sei dankbar, dass´s dort obm oan gibt,
der so vü Schens hat gschafft.
Bald is vorbei dö bunte Pracht,
da Wind treibt durchanand
dö Blattln, und sö foilln und foilln
am Bodn allesandt.
A bunta Teppich broat sih aus,
deckt Weg und Wiesn zua,
dö letztn Bleamal bald varbliahn,
d´ Natur geht hiazt zur Ruah´.
|
