Mundartbeitrag von:
Holl Elisabeth -
4600 Wels
elisabeth.holl@outlook.com
Alle Mundartautoren
Mundart-Datenbank |
Dar Grandscherm
Heit a wenk grantig,
morgn a wenk zwida,
wegn jeder Kloanigkeit
schimpft ar gleih wieda.
Dar Kaffee is weit z´ hoaß,
dar Zucker weit zweng;
dar Hemadkragn platzt schon,
er wird eahm schon z´eng.
Dö Hosn is z´kurz,
dö Joppm weit z´lang,
naa, waunn dös wer siaght –
eahm wird schon gaunz baung.
´s Bett is vü z´woach,
dar Poista weit z´hoart,
´s Rasiern gfreit ´n ah net,
hiazt wachst scho dar Bart.
Ah so geht’s dahin
den gaunzn liabm Tag,
er braucht sih net wundern,
dass´n neamd nimma mag.
|
