Mundartbeitrag von:
Holl Elisabeth -
4600 Wels
elisabeth.holl@outlook.com
Alle Mundartautoren
Mundart-Datenbank |
Der Heimwerker
Ih woaß net ein,
ih woaß net aus,
was dann wieda los is,
wann ih geh aus´n Haus.
KoanMöbistück hat
fia dauernd an Platz,
und ois schen putzn,
dös is eh fia d´ Katz.
Kimm´ ih hoam vo da Stadt,
oh Jamma , oh Graus ,
geh ih eini ö d´ Stubm,
ja wia schauts denn da aus.
´s Werkzeig und d´ Schraufm
san am Bodn vastraht,
wia ´s Heu auf da Wiesn,
hats da Bauer frisch gmaht.
„ER“ - sagöt und hammert
den ganzn labm Tag,
„IH“ - wia gar net gfragt,
ob ih dös oiweil mag.
Und wann ih mih aufhalt,
dann is´s erscht a Gfrett,
weil dann tuat a spinna,
dös is ah net grad nett.
Und hat a dann endlih
sei´ Oarbat voibracht,
dann sagt a: „Siahgst Weibal,
ah so gheart dös gmacht“.
|
