Mundartbeitrag von:

Holl Elisabeth    -
4600 Wels
elisabeth.holl@outlook.com

Foitn im Gsicht

A oidda Mensch hat Foitn im Gsicht,
dö kuntn varzöhn a lange Gschicht.

Von schene Stundn in sein Lebm,
von Kumma und Sorgin ah danebm.

Von rechtschaffner Oarbat Joahr fiar Joahr,
is grau wordn mit da Zeit sein Hoar.

Drum sei net bös zo dö oiddn Leit,
und mach eah wanns geht a weng a Freid.

Dö Freid, dös d´ gibst, kimmt zo dir wieda zruck,
und schlagt dar fiar d´ Ewigkeit a Bruck´.