Mundartbeitrag von:
Eder Martina -
4600 Wels
martina.eder11@tele2.at
Alle Mundartautoren
Mundart-Datenbank |
Ih möcht´s nia vergessn
So flink wiar a Wiesl
war unsere Liesl,
sie war so gern tanzn
mi(t)n Hansn, mi(t)n Franzn.
Nur heit kann s´ des nimmer,
´s wird oillewei schlimmer,
weil d´ Knia mögn scho kracha,
´s is nimmer zan Lacha.
Und ´s Gfrett hat s´ mi(t)n Bucka,
soll Pulverl nur schlucka,
in Kreiz hat s´ des Reißn
als möcht sa´s iazt schmeißn.
Doh oans - sie kann denga
und Wörter daglänga,
de tippt s´ nacher eini
in Laptop ganz schleini.
Wia sche war´s beím Tanzn
mi(t)n Hansn, mi(t)n Franzn!
Ih möcht´s nia vergessn.
Wer kann´s scho ermessn?
|
