Mundartbeitrag von:
Uhl Paul -
D 94036 Passau
paul-uhl@web.de
Alle Mundartautoren
Mundart-Datenbank |
Im Zeitstrom
Hob oiwei gmoant, de Zeit, de roast…
Dawei is goar ned woahr:
De Zeit, de hojt se eingli staad
und steht ganz fest sogoar…
Und oiss, wos lebt, bewegt si duarch,
sobojd s geborn werd und,
taucht auf drin, geht dann bojd dahi -
des dua i eich heit kund !
Se is wia unbeschriebns Papier
und jeda vo uns schreibt
mit Bluat sein Nam drauf und sei Gschicht,
bis nan da Strom vatreibt.
Ob iatzt de Blattl aufghebt wern
und wo und aa wia lang –
vielleicht wern s aa dann glei vawaht?
- Is mei Gedankngang…
|
