Mundartbeitrag von:

Holl Elisabeth    -
4600 Wels
elisabeth.holl@outlook.com

Dar Blick ö d´Söi

Er hat mih in Oarm gnumma,
mei Vodda,
hat mih gherzt und druckt,
hat mih so liab aungschaut,
hat mit seine Augn
durch meine Augn
in mei Söi gschaut,
dass ih´n gwiss nia vergiss.
Vielleicht hat ar gspiart,
dass ar mih net grad ´s erschte Moi,
sondern ah ´s letzte Moi siahgt.-
Daunn is ar gaunga,
eingruckt nach Russlaund,
hat a poar Wochan späta
sei Lebm g´opfert fiars Voddalaund.
Aber sei Blick in meiner Söi
lebt heit nuh.


Elisabeth Holl Jänner 2013