Mundartbeitrag von:
Uhl Paul -
D 94036 Passau
paul-uhl@web.de
Alle Mundartautoren
Mundart-Datenbank |
Bergsehnsucht
In d Berg bin i mei Lebm lang ganga.
Des woar a Leidnschaft vo mia !
Hob noch de Berg no heit an Planga*…
I glaab, ganz lassn werd i s nia.
Meim Klettakumpl, dem gehts grod so,
aa, wanns de Boana nimma doan.
De Berg, de hams uns oafach o do…
Jatz könn ma grod no auf de kloan.
Foahr mit da Seilbahn manchmoi nauf no,
de Gipfe mach’ ma s Herz so weit !
Und sehg i d Brotzeitgeia** fliagn so,
na packt mi fast da blanke Neid:
De segln soo leicht um de Zinna -
und mit da Thermik nehman s d Wänd !
Mei Herz is fest no in mia drinna,
Schee waars, wann des do mitfliagn könnt !
|
