Mundartbeitrag von:
Holl Elisabeth -
4600 Wels
elisabeth.holl@outlook.com
Alle Mundartautoren
Mundart-Datenbank |
Weihnachtsfrieden
Waunn laungsaum ´s Joahr ön End zuageht,
Weihnacht am Kalender steht.
Ös faungt scho oan mit´n Advent,
waunn mar ´s erschte Liacht aukent.
Dös is dö stade Zeit ön Joahr,
doh is denn dös ah heit nuh woahr?
Oiss is voi Hektik, Einkaufsfrust,
und trotzdem gspiarst in deiner Brust
a ghoame Sehnsucht nachn Liacht,
weil d´Finsternis a niader fiacht.
Dös Liacht dringt in dö Herzn ein,
zum Friedn mauhnt sein heller Schein,
Mach auf dein Herz, lass d´Freid einkeahrn,
daunn kaunnst ah du dö Botschaft hearn:
„Friede den Menschen auf Erden“ !
|
