Mundartbeitrag von:
Rothner Maria -
4941 Mehrnbach
maria_rothner@yahoo.de
Alle Mundartautoren
Mundart-Datenbank |
Loavn
Da Krampal steht draußt vor da Tür,
i hör`na scheppan, plärn.
Da Nikolaus, der vor eam steht,
is fast net zum Dahörn.
So schiach kann heit koa Krampus sei,
daß man´so richtig fürcht,
dö Loavn sand uns so votraut,
weil man´s tagtäglich siacht.
Doch fremd und ungwohnt is für uns,
der große, weiße Herr.
Mit Boat und Mützn und an Stab,
ganz freindlich schaut a her.
Vielleicht schreckt uns dös oafach mehr,
wann er ganz langsam fragt:
seids brav gwen, alle, jedn Tag?
Wer da wohl d´Wahrheit sagt?
|
