Mundartbeitrag von:

Pogotz Roswitha    -
4690 Rüstorf
r.pogotz@aon.at

A Zwergal

A Zwergal a kloans
sitzt im Gros und woant
wos is den mit diar
vazöh kumm her zu miar

Mei Liachtal is aus
fiar mih is des a Graus
hoasst des Leben is vorbei
do bin ih ned dabei

Wü leben nu recht lang
bei Tanz und Gsang
wü lustig sei
do foillt ma ollahand ei

Wos tua ih nur
wia kumm den ich dazua
soboid soid aus sei mei Zeit
moch hoid auf dei Herz ganz weit

Des hob ih dem Herrgott gsogt
wos ih wü werd ih ned gfrogt
geh zündt mei Liachtal wieda an
damit ih weida leben kann.