Mundartbeitrag von:
Gruber Irene -
4906 Eberschwang
gruber.irene@aon.at
Alle Mundartautoren
Mundart-Datenbank |
Schneeboischlacht
Da hintn steht a kloana Bua
der gibt woi net so schnö a Ruah
hoit an Schneeboin in da Händ,
er woat bis oana umme rennt.
Er schiaßt und trifft, dann rennt er weg
umme ums Haus in sei Versteck.
Da haschpets´n, jetzt hauts´n hin
im Schnee steckt er Kopfüber drin,
a jeder lacht, nur er hoid net.
Er spinnt und schimpft, es seids so bled
dawei, er is nämlich a Gfraßt,
hat er den nächstn Schneeboin gfasst.
Schiaßt und trifft, mittn ins Gsicht
da ander schimpft, du kloana Wicht
jetzt rennan alle zwoa und lachn.
Mei, gern tat i da a mitmachn.
|
