Mundartbeitrag von:
Holl Elisabeth -
4600 Wels
elisabeth.holl@outlook-com
Alle Mundartautoren
Mundart-Datenbank |
Auf d´ Weihnacht zua
Sche laungsam geht's auf d´Weihnacht zua,
dö Zeit,dö mag ih gern.
Dem Einkaufsstress im Großkaufhaus,
dem bleib ih liaba fern.
Ih stö dahoam mei Krippal auf,
und schau ob oiss in Ordnung is.
Is was kaputt, daunn richt ih´s her,
und gfrei mih waunns daunn fertig is.
Daunn keman d´Krippömandln draun,
werdn auspackt nach da Reih,
dö Herbergsuach wird einigstöt,
da Wirt mitn Hund is ah dabei.
Dö Hirtn und dö Lampön
stehn auf eahn Hirtnföd,
sö gfrein sih heit wia damois
auf den Erlöser unsrer Wöd.
Ih gspia dabei im Herzn drin
a wundaboare Freid,
a sehnsuchtsvolles Woartn
bis d´Weihnachtsglockn ledd.
|
