Mundartbeitrag von:
Mayer Fritz -
4470 Enns
fr.mayer@gmail.com
Alle Mundartautoren
Mundart-Datenbank |
Vorbei!
Wånns Christkindl hoamgflogn is
und de Gschäftsleit ‚s Geld zähln
wånn de Müllkübln so voi san
wia de Geldtaschln laa
wann ålle in da Stådt san
wegn an Umtauschn
wann olle Leit guate Vorsätz haum
mit de’s morgn aufaungan
wanns dahoam langsam wieda gmiadli wird
daun sand d’ Feiertag boid vorbei
- gottseidånk!
wånn ålle Keksal zaumgessn san
wånn d’ Bådezimmawåg Purzlbam schlågt
wånn für’d Weihnachtsbeleuchtung d’ Rechnung kimmt
wånn olle Umtauschfristn o’glaufn san
wånn si da Kontostaund långsåm wieda dafaungt
dånn wird’s Zeit das ma ån an Ostahasn dengan
- leida!
den Stress haum d’ Moslem net-
de haum an a åndasmoi!
|
