Mundartbeitrag von:
Holl Elisabeth -
4600 Wels
elisabeth.holl@outlook.cm
Alle Mundartautoren
Mundart-Datenbank |
Prosit Neujoahr
A glückseligs Neujoahr,
dös wünsch ih enk heit,
Gsundheit und Gottes Segn
durchs Joahr enk begleit.
Dö Heilign Drei Kining
mit ihrem Stern,
dö bringan enk Glück
was´s eah gebts, nehmans gern.
Ih wünsch enk an Fasching
voi Lust und voi Freid,
danoch is daunn ´s Fruijoahr
ah nimma weit.
Z´Ostern feierts Auferstehung
mitn Herrgott und mit da Natua,
Broat und Speck lassts weiha,
und d´ Oastaoa ghearn ah dazua.
Ih wünsch enk zu Pfingstn
den Heilign Geist,
damit a enk oiwei
den Weg da Woahrheit weist.
Dö Ernte sei reichlich,
kosts ah Kraft und vü Müah,
waunn sö sih auszoiht hat,
daunkts ön Herrgott dafia.
Hoits fest zuanaunda
in Freid und in Load,
a Friedn soi sein
auf da Wöd weit und broat.
Elisabeth Holl 31. Dezember 2013
|
