Mundartbeitrag von:
Geyer Gabriele -
4974 Ort im Innkreis
gabriele-geyer@gmx.at
Alle Mundartautoren
Mundart-Datenbank |
D' Schneid
schneidig bist wannst mitn Fallschirm abaspringst
am Gummibandl hängst und auffiwinkst
owi tauchst ins tiafe Meer
oda dem hechsten Berg wirst hehr.
Owa is des de richtig Schneid de ma brauchn
schneidig bist ja a, wannst aufherst zan rauchn
wannst was gibst und ned vül hast
a des aunimmst, wasd ned gern magst.
Mit da Sprach virakimmst und dei Geheimnis lüfst
wias rote Kreiz und d’Feiawehr ganz selbstlos hülfst
oft untan Eisatz vom eignen Lebn
mei liaba, fir so a Schneid muass i de hechstn Punkte gebn.
Gabriele Geyer, Ort im Innkreis (2013)
|
