Mundartbeitrag von:

Holl Elisabeth    -
4600 Wels
elisabeth.holl@outlook.com

D´ Sunn scheint

D´ Sunn scheint,
schauts aussi,
es wird wieda Mai,
d´ Bleamal wern munter,
blüahn auf nah da Reih.

D´ Vogal toan singa,
´s Fruijahr is da,
kemmts aussa und gfreits enk,
ös is richtig gschmah.

A Wassa fia d´ Vogal
steht im Goartn bereit,
da planschns und flatterns
umadum voller Freid.

Ois riaht sih und regt sih,
ois is voller Lebm,
weil d´ Sunn scheint hats wieda
a Auferstehung gebm.