Mundartbeitrag von:
Sumper Gabriela -
4040 Linz
gabi.sumper@gmail.com
Alle Mundartautoren
Mundart-Datenbank |
Des Fruihjoah und de Liab ghern zaumm
Drausst greants und bliats hiaz wia net gscheit
d'Natua taucht au, ois woxt, gedeiht.
S'Mailiftal seislt, kimmt ma voa
gaunz saunft mia Melodien ins Oah.
De Kerschblia riesln sacht auf'd Wiesn
und d'Foita treibn durch d'Frühlingsbrisn
Mia geht’s so, wia de Schmetterling
ois is so leicht, ois is so gring.
I deng di gaunz Zeit nua auf di
iagandwos ziagt mi zu dia hi
I moa, i hob di narrisch gean
mit uns zwoa kinnts wos großes wean.
Im Herz drin klingt a Symphonie
und's G'füh stimmt ei voi Harmonie
Vom Fruihjoah und da Liab dazua
davo kriagn d'Leit hoit niemois gnua..
|
