Mundartbeitrag von:
Glawischnig Werner -
9620 Hermagor
glawischnig.59@aon.at
Alle Mundartautoren
Mundart-Datenbank |
Da Lenz!
Es rinnen Bachlan, tropft vom Doch,
da Schnee follt von de Bam,
de Sunnenstrohln seint noch schwoch,
de Kältn geaht schean longsom ham.
De Graslan kennen’s nit dawoartn,
wearnd ollweil greana untan Schnee,
Primlan seint schon drin im Goartn
und dos Eis schmilzt auf’n See.
Da Winta lost’s noch öftas schauan,
er gibt den Kompf noch nit valoarn,
oba long weard’s neama dauan
und olles is wia neu geboarn.
Wia wundaschean oll’s blüaht,
is gonz vazaubat de Natua,
so leicht is hiaz mei Gmiat
und de Lerchn singt dazua.
Es is wohl de scheanste Zeit,
holt se fest, so long es geaht,
da Summa is jo neama weit,
wia schnell de Blüah vageaht.
|
