Mundartbeitrag von:

Glawischnig Werner    -
9620 Hermagor
glawischnig.59@aon.at

Wia da Schnobl gwochsn is!

I red, wia ma da Schnobl gwochsn is,
nit Deutsch und a nit windisch,
lei ans, dos is ma sicha gwis,
monchmon klingts a bisl kindisch.
De Teescholn seint de Schalalan,
wos drobn stehn, seint Tatzalan,
zan umariahn nimmst de Löffalan,
zan schleckn seint de Zuckalan.
Du konnst es wendn oda drahn,
es klingt holt olls a bisl klan.
Beim Essn gibts de Schmankalan,
de Buam seint de Schlankalan.
De Ondan kennen deppat redn,
mia Kärntna seint a kane Bledn.
A Blend gibts zan Obndessn,
a Ondra hät dos niamols gessn.
Der was jo nit und dos is gwis,
wos eigentlich a Blend is.
A Frigga kennta sicha nit,
de Farfalan seint nit bekonnt,
ißt an noch Polenta mit,
do host dos Kaudawelsch beinond.
Ols Beilog homa Strankalan,
nopfatzn glei nochn Essn,
oda sitzn auf an Bankalan,
is a nia nit ondas gewesn.
Host dazu de Gitsche mit dabei,
donn bis a echts Karntnaleilei.