Mundartbeitrag von:

Hradil Elisabeth    -
4650 Lambach
elisabeth.hradil@gmail.com

oiweu

Oiweu
Kloa gwen und oiweu den Wunsch ghabt
scho a wenig greßer sei
krank gwen und oiweu den Wunsch ghabt
wieda gsund sei
unglückli gwen und oiweu den Wunsch ghabt
wieda glückli sei
arm gwen und oiweu den Wunsch ghabt
oamoi reich sei
dahoam gwen und oiweu den Wunsch ghabt
weit fort sei
net zfriedn gwen und oiweu den Wunsch ghabt
wieder zfriedn sei
bei dir gwen und oiweu den Wunsch ghabt
für di da und bei dir sei
jetzt nur mehr den Wunsch
Di nu oamoi gspirn