Mundartbeitrag von:

Geyer Gabriele    -
94152 Neuhaus a. Inn
gabriele-geyer@gmx.at

Da Summa is uma

da Summa is uma,
gspüar schau d'Spinnawindn bein geh.
Da Herbst is im Kuma,
mit vü bunte Blattl recht sche.
De leichtn und glaunzn wauns d'Sunn bestrahlt
wia guat tuat a Spaziergaung im Lauwatwald.

Jahreszeitn gibt's a im eignen Lebm -
und waun ma älda wird, is ned ois bequem.
Es reißt in da Schulta und ziagt im Knia,
s' Kreiz tuat weh - mir wird gaunz schier.
He, hoppala vadua die Zeit ned mitn lamentiern,
sei daunkbar - und biet dem Alta de Stirn.

So vü is mögli zan toa -
hülfst de aundan - bist nia alloa.
Gfreist de am Lebm - strahlst das a aus -
bist sicha gern gsehng in an jedn Haus.
Drum lasn do los dein Kumma,
is a da Summa uma,
denn a im Herbst blüahn de Bleamal in volla Pracht -
muasst das nur brocka, wiast sehng, dass dei Herz dabei lacht.