Mundartbeitrag von:

Glawischnig Werner    -
A-9620 Hermagor
glawischnig.59@aon.at

Burn out oda anfoch ausgebronnt!

A Mandl sitz beim Orzt im Wortezimma,
sei Olte mant mit ihm weards ollweil schlimma,
weila dauand aufn Sessl henkt, lei sempat und sinniert,
sei Hearz und seine Nervn seind frustriert,
so is es holt schon leida oft passiert,
dos in da Nocht a nix mehr funktioniert.
Dos konn sei Weible nit vasteahn,
er sollt gonz gschwind zan Dokata geahn.
Da Orzt schaut ihn recht mitleidig on,
weil on den Mandl is nix dron.
Er sigt hiaz glei wos ihm so fehlt,
und blödaweis hota an Fochausdruck gewählt.
Jo, jo, Burn out host, dos is a soa Soch,
do liegnt se da Reih noch floch.
Da Dokta merkt, des Mandl hot dos nit kapiert,
hiaz hotas auf a ondre Oart probiert.
Burn out haßt, da Mensch is innen laar und ausgebronnt,
oda er hot neama olle Nervnsträng beinond.
Dos is dem Hasch hiaz zu viel,
er glabt, da Dokta was nit wosa will.
Dos Mandl schnauzt ihn lautstork on,
etwos kroftlos wirkta schon,
von wegn Börnaut, innen laar und ausgebronnt,
nia wos ghöart und is ma nit bekonnt.
Liaba Dokta, sie wearn mi noch nit kennen,
i trink a Kistn Bier am Tog, do könnt i innen goar nit brennen.
Börnaut, wos is den des für a blede Sproch,
do wear i jo beim Zuahöarn schwoch.
I glab, dos is dir noch nit bekonnt,
bei soviel Biar am Tog, is noch kana ausgebronnt.