Mundartbeitrag von:

Glawischnig Werner    -
A-9620 Hermagor
glawischnig.59@aon.at

Da Schmammalsuacha!

A jeds Joahr um de gleiche Zeit,
kraxln Schwammalsuache durchn Wold,
und heit woars wieda amol so weit,
schon in da Frua, es woar noch a bissl kolt,
wondat a klana Italiena oda woars ana vom Ort,
allan von Bam zu Bam und jedn Stan,
ka anzigs Schwammle woar mehr dort,
hiaz steata do valossn und allan,
do konn an schon vageahn dos Suachn,
am liabst tat da Fungifladarati fluachn,
no guat, dos hot donn a gmocht,
weil ihm Schwammal fladan ka Freid mehr mocht.
Hiaz konna sich gonz schnell vatschüssn,
nit weila will, er hat es müssn,
Da Första woar ihm auf da Spur,
dos konn passiern in da Natur,
es ist a neama goar so hell,
dos haßt, nix wia ause oba schnell.
A Astle hom seine Fiaß nit gsegn,
es is a scheana Sturzflug woarn,
mit sein Gsicht voraus im Gatsch drin glegn,
do hätta seine Schwammlan mit Sichaheit valoarn,
wenn lei a Pilzle in sein Sacklan gwesn war,
war sei Valust jo dopplt schwar.
A Unglück kummt jo seltn lei allan,
weil in dem Gatsch drin woar a Stan,
do konna sich windn oda drahn,
fuart fliagt hiaz sein Schneidezahn.
Volla Dreck, mit lukatn Gebiß,
humplta durch Wold und Strauch,
wos manst, wia tiaf hiaz seine Laune is,
bei so ana Londung aufn Bauch.
Hiaz kummta leidgeprüft zan Auto hin,
im Rafn is ka Luft nit drin,
A Spruch liegt ihm schon auf da Zunge,
da Teifl hot wohl zwa, drei Junge.
Hiaz hota Zeit und konn den Tog vafluachn,
i schwör, nie mehr geh i Schwammaln suachn.
Und wonns a Italiena woar, täta ondas schwöarn,
Giuro, non cerco mai più funghi! Oda er tat blearn!
De Moral von dera Schwammalgschicht,
Schammlan suachn, oda fladan lohnt sich nicht.