Mundartbeitrag von:
Schindler Pepi -
2393 Sittendorf
pepschind@gmail.com
Alle Mundartautoren
Mundart-Datenbank |
S`woatn auf de drei Könige
Waunst alanig bist und so dahi sinierst
kummst auf de komischtn Soch`n.
Du duast woatn.
Auf wos wast zwoa oft ned gaunz genau
owa es duat di hoit beschäftign.
De meistn de da liab woan, san oille scho gaunga.
Hia und do tramst von eana;
das zum Beispüh unta fü Leit san,
owa sie kennan niemaund.
Heit woat i scho seit naumittog aufn Pforra
und seine drei Könige.
Se hättn zwoa scho gestan kumma soin,
owa do hob i hoid umasunst gwoat.
Heit weans scho no kumma.
A bissal a Unterstützung hob i scho gricht,
vü is ned, owa waun a jeda a bissal wos gibt,
kummt a wos zaum, zum höffn.
Waun ma aun de vün oamman Kinda denkt,
de so Wödweit dahi vegitiern miassn.
Es is scho a Graus!
Un do mochn oille Grosschädladn de Augn zua
und schauman si ned.
Haupsoch eana Waumpn is augfüt.
Nau so woat i hoid weida.
|
