Mundartbeitrag von:
Supersberger Franz - 9500 Villach franz.supersberger@gmail.com
Alle Mundartautoren Mundart-Datenbank |
Schtrossn -- Schütt -- Grean
Schtrossn
Gegn den Bau ana
Schtrossn durchn Auwold
hom sich olle gwehrt.
Za jeda Birgavasommlung
san de Leit kemman,
oba jedsmol weniga.
De Politika hom zuagwortat,
wia nur mehr a poar kemman san
homs gmant,
es san eh olle dafir .....
Schütt
Da Berg hängt
tiaf üba deina,
a schwoarze Furchn
durchziaht di da Längs.
Du host jetzt a drübare
und a higare Seitn.
De Bachln homs in
Betonrähr einegezwengt,
firn Lärm von da Autobohn
gibt’s ka Grenz.
Meine Tram san auf
da drüban Seitn,
i bin von meine Tram getrennt.....
Grean
Nebn da Autobohn
fongan im Fruhjoahr imma
weniga Bama zan greanan on.
Olle Joahr wearn de
kronkn Bama gschlägat.
In de Onsprochn von de
Politika san de Wärta mit
grena Foarb ongstrichn .....
|