Mundartbeitrag von:
Supersberger Franz - 9500 Villach franz.supersberger@gmail.com
Alle Mundartautoren Mundart-Datenbank |
Vawöhnt -- Bsetzt -- Liab
Vawöhnt
Du vawöhnst mi
in da Fruh mit an
Kaffe, stöllst mir
den Gortnstuahl in Schottn,
tuast auf mei Gsundheit
schaun. Sogst mir wia
schean und stoark
i bin, monchmol
is mir bei dir so eng.....
Bsetzt
In da Nocht umormt
mi di Ongst,
da Frost fongt
mi zan liabn on.
De Ongst vur da Nocht
konn ma sich ausredn,
de Ongst bei Tog
vurm Leben,
weard ma nit
so glei los.
Dei Telefon is besetzt .....
Liab
Du vasprichst ma dei Hülf
firn Tog und fir de Nocht,
fir a Dosein ohne Gscher,
nur mei Liab
wüllst du dafir hobn…..
Telefon
Om Telefon klingt
dei Stimm wia da
Klong von ana Zithasaitn,
mit an jedn Sotz
ruck ma nächa zomm,
i spir dein Mund.
Wonn i mei Hond ausstreck
Spir i a kolte Maua…..
|