Mundartbeitrag von:

Uhl Paul    -
D 94032 Passau
paul-uhl@web.de

Da Gaul durche ganga

Du müahst di ob, dass d cool du bleibst,
weil ja da Zorn wos Schlimms doch is
und dass d beim Re(d)n ned übatreibst,
weil dann – danoch - do fühlst di mies…

Und trotzdem kimmts a diamoj via,
do regst di auf (wos s goar ned braucht)
und - mei – na bist hojt außer dia
und schimpfst und fluachst, dass grod so raucht

und tobst vom Kella bis ins Doch…
Auf oamoj kimmts dia, woaßt ganz gwieß
dass jatzt da Gaul mit dir ja doch
moj wieda durche ganga is…