Mundartbeitrag von:
Supersberger Franz - 9500 Villach franz.supersberger@gmail.com
Alle Mundartautoren Mundart-Datenbank |
Is erste mol -- Vuriges Joahr -- Weitalebn
Is erste mol
I woaß nimma woas
i da olls dazöhlt hon,
wia mir zwoa is erste mol
spaziern gongan san.
I hon Ongst ghobt,
doß wonn i zan redn aufhear
du ma davongheast.
Kana hot in ondan gfrogt,
wia olt a is .....
Vuriges Joahr
Vuriges Joahr hon i
di Wossatropfn von
deina Haut obbusslt
und mei Hond auf
dein Ruckn glegt,
de Sunn woar a noch
beim Untaghean schean.
I hon di vastondn,
a wenn du nix
gsogt host.....
Weitalebn
Auf da hiagan
Bettkantn sitzn,
daweil du dazöhlst
vum nemma ausholtn
kennan, von da Ongst
vurm Weitalebn,
von deina Sehnsucht
nochn Sterbn.
Daweil möcht i da
a Bussl auf deine
schwoarzn Hoar unta
de Ochsln gebn.....
|