Mundartbeitrag von:

Greifeneder-Itzinger Irmtraud    -
4481 Asten
office@mundart.at

Herbst-Freiheit

Wia d’Blattln so lustig
im Wind dahintanzn
und bunt voller Freud
leuchtn und glanzn.

Sie singan und wispeln:
Mia sand endlich frei,
sand nimmermehr anghängt,
mit dem is’s vorbei.

Jetzt halt uns koa Bam mehr,
jetzt können ma fliagn
und ganz von alloane
in d’ Welt aussiziahgn.

Der Bam hat eah nachgschaut,
es war eahm recht bang,
er woaß’s, so a Freiheit,
de dauert net lang.