Mundartbeitrag von:
Lahnsteiner Gertrud -
4802 Ebensee
Gertrud.Lahnsteiner@tele2.at
Alle Mundartautoren
Mundart-Datenbank |
Aufm Güpfö
Auf an Güpfö kimmt a Jeder,
Oaner früher, Oaner später,
und es kann ah in an Lebm
sogar mehrere Güpfö gebm.
D´Bereggüpfö san de oan,
de d´Leit mit dem Ausdruck moan,
zum Besteign san manche leicht,
werdn von Vülen ah erreicht.
Andere strebn mit Bedacht
nachm Güpfö eahnera Macht,
lassn Vü ah dafür hintn,
dass´s Zufriednheit drin findtn.
Aufm Güpfö der Karrier
hoffn Leit halt ah oft sehr,
bist ganz obm, dann hast es schen,
moanst, es muass so weiter gehn.
Aufm Güpfö seiner Kraft
oft a Mensch was Bsonders schafft,
Manche gar an weltrekord,
in Wissnschaft wia ah im Sport.
Güpfö gibt´s nuh sicher mehr,
aber es is halt a Gscher,
kimmst ganz atmlos drobm an,
siahgst, da san gnuag Andere schon.
|
