Mundartbeitrag von:
Seier Jutta -
7423 Grafenschachen
8sonne44@gmail.com
Alle Mundartautoren
Mundart-Datenbank |
Weihnachtsgeschichte
Wia i no a kloans Kindl, so um die sechs,siebn Joahr,
do hob i net gwisst, wer as Christkindl woar.
Die Mutti hot zwoar gmoant, es is van Herrgott as Kind,
und bring auf da Wölt an Friedn gaunz gschwind.
Und wenn ma gaunz brav is, und freindli za d`Leit,
donn kimmts a za ins, ins Haus einagschneit.
Gaunz heimlich und stüll, dass´s jo koana gsiag,
und bring an Christbam, dass a Jeda wos kriag.
Mia hom donn brav die Aufgob gmocht,
woarn freindli za d`Leit, und hom imma glocht.
An Briaf hom ma gschriem, und aufs Faenstabraett glaeg,
Am nächstn Tog hom ma gschaut, und des Briafal woar waeg.
Des muass oanfoch as Christkindl gwesn sein,
wen sunst follat sowos ein?
As Gschirr hom ma auf hochglounz poliert,
mit an Besn no die Kuchl zaumkieahrt.
An Staubsauga hot jo domols koana kennt,
und a Gschirrspüler is a koana grennt.
Heit is jo olls so praktisch gmocht
grod a so, dass ma no wos kocht.
Da Staubsauga foahrt an gaunzn Tog im Haus spaziern,
do brucht koana mehr mitn Besn kiahrn.
Die Taegln wearn im Gschirrspüler rein
`s tuat jo olls so praktisch sein.
Koa Kind braucht heit mehr an Finga riahn,
und tuan trotzdem olle wos van Christkind kriagn.
Gwaund,a Büldabuach und Stifte zan moln,
des woar domols a Gschenk, des hot uns a gfolln.
Heit wissns glei goar net wos sa si wünschn sulln,
weil die Leit eh olls unta da Wochn fiar die Kinda huln.
Es is jo olls so praktisch heit, goar koa Hexarei,
kaunnst olls im Internet bestölln, kummt sofort herbei.
Und trotzdem rennans vor Weihnochtn die Gschäfta nieda,
neahmt hot Zeit fiarn aundan und olle sans zwieda.
Des mecht i hom und des brauch i fiars Kind,
dabei vergisst ma, dass a poar lustige Stundn vül wichtiger sind.
Jutta E. Seier
|
