Mundartbeitrag von:
Supersberger Franz - 9500 Villach franz.supersberger@gmail.com
Alle Mundartautoren Mundart-Datenbank |
Kronk -- Summa -- Schmerzn
Kronk
Monchmoal weards ihm zvül,
donn gheat a vun da Orbat weg,
legt sich auf a Bonk im Park.
De Autos nennt a an Fluch,
de Schipistn toan de
Olmwiesnan zastern.
Oft weard iba ehn gredat,
der is im Kopf kronk.
De an foahrn mitn Auto
hundat Meta zan Zigarettn kafn,
de ondan schmeisn de neichn
Schuah aufn Müll, es is grod
wegn da Foarb. Ausn Park
soll a Parkplotz wearn.
Er glabt de Menschn san kronk …..
Summa
Im Summa weard olls zua da
Untaholtung fir de Fremdn getoan.
In an Seeurt feians zwoamol
Kirchtog im Joahr.
Im Summa fir de Fremdn,
im Hearbst fir de Einheimischn .....
Schmerzn
Wia de Schmerzn im
Kreiz kan aufrechtn
Gong alabt hom,
do hob i auf de Frog :
„Wia gheats„ nit glocht
und gsogt, „mir gheats guat„.....
|