Mundartbeitrag von:
Supersberger Franz - 9500 Villach franz.supersberger@gmail.com
Alle Mundartautoren Mundart-Datenbank |
Vaständigung -- Feia -- Christbam
Vaständigung
Za Vaständigung zwischn de
Nochboarstootn hots gemeinsome
Liedaobende, Feiawehrfeste
und Spurtvaonstoltungen gebn.
De Politika hom Freindschoftsbsuche
gmocht und scheane Redn gholtn.
Za Vaständigung zwischn
de vaschiedanan Volksgruppn
im Urt hot kana woas geton,
ka Politika hot driba gredt .....
Feia
Za hundat Joahrfeia
von da Gailtolbohn san
de Ehrngäst mit an Sondazug
zan Frühschoppn kemman,
da Birgamasta hot
Onstecka vateilt.
Drei Monat späta hot
da Aufsichtsrot gsogt,
de Bohnstreckn is nit rentabl.....
Christbam
Von Joahr zu Joahr hom
aufn Christbam om Morktplotz imma
mehr elektrische Lichta Plotz ghobt.
Iban Weihnochtsvakehr homs
de Weihnochtsstern onbrocht.
Da Weihnochtsrumml is imma mehr woarn,
de Zeit firn ondan weniga .....
|