Mundartbeitrag von:

Sumper Gabriela    -
4040 Linz
gabi.sumper@gmail.com

I Kenn an..

I kenn an
dea hot ois, wos ma hot:
sei Eikommen und Auskommen
a rundum gsichate Existenz

Und de zagt ea, und des siagt ma.

Ea hot ois, wos ma hobn kau
und doch so vüh net..
Liab, Heaz, Gfüh, Zäatlichkeit...
Und ea was net amoi, wos des is...


I kenn an
dea hot ois, wos a braucht:
Sei eigans Haus, Frau, Kinda
und a beochtlichs Auto..

Und des zagt a, und des siagt ma...

nua ans net
d'Fähigkeit, de Schenheit von ana Blume, an Schmetterling,
vom Mond oda de Stean z'segn..
Und ea was net amoi, dass de Schenheit gibt...


I kenn an
dea hot ois, wos a wüh:
ea leist vüh und kaun si drum vüh leistn...

und des zagt ea, und des siagt ma..

Ea hot ois, wos ma hobn kau, und doch so vüh net..
Tram, Phantasie und de Gob, a zärtlichs Woart zan flüstan..
und ea was net amoi, wos des is...