Publikationen
Veranstaltungen

Der beste Beitrag wird als "MundArt des Monats" auf dieser Seite und im EuroJournal veröffentlicht!

Aus unserer Mundartdatenbank

Texte - Gedichte - Märchen
Beiträge in und zur Umgangssprache

MundArt des Monats Autor / Beitrag anmelden Veranstaltungen
Links

Mundartbeitrag von:

Seier Jutta    -
7423 Grafenschachen
8sonne44@gmail.com



Alle Mundartautoren
Mundart-Datenbank

Wenn man es Liebe nennt

Wenn man es Liebe nennt

Wers no net erfohrn hot,der wirds glei wissn,
die Liebe foungt im Kopfal aun,net im Herz und scha goar net beim küssn!
I möcht nur vül zu gern verstehn,wie's passiert,
wos wirklich is,wenn Amor zwoa Menschn zueinaundafieahrt!
Die Oan sogn es woar Liebe auf'n erstn Blick,
im Herz hots gmocht an wahnsinnign Klick!
Es foungt aun gounz schnöll zum schlogn,
und a Kribbln gspiart ma in da Gegend vom Mogn.
Die Aundan wiederum die dazöhln von an Brennan und an Zieagn,
tuan vor lauta Scham koan Wort mehr aussakrieagn!
Es gibt owa zu dem Thema a no Gschichtn,
wies so maunche Leit berichtn,
dass gaunz woache Knie hom krieagt,
und dass ma olls durch a rosarote Brille gsieagt!
Maunchi faungts sogor gaunz narrisch aun zan reissn,
mòcht vor lauter Nervösität olls wos er darwischt zerreissn!
Do muass ma jo wirkli amul studiern wo die Liebe an Ursprung nimmt,
Und wos für Zeichn für den Beginn ana Liebe stimmt.
Faungts wirklich bei die Fiass aun?
Dass ma woache Knie krieagt und net mehr gehn kaun?
Oder sans die Augn wos beginnt?
Wos is,wann ma die rosarote Brülln wieder owanimmt?
Oder passierts im Bauch des gaunze Theater?
Warum gspieahrt ma sunst des Schmetterlingsgeflatter? Oder Flugzeuge im Bauch, des verspürn maunche Verliebte auch!
I bin scha laung davon überzeigt,
dass die Liebe nur ins Hirn einisteigt!
Wie sunst sulls des gebn dass ma die richtige Liebe find im Lebn?
Im Kopfarl faungt Olls aun, weil den Augn mit rosaroter Brille tat i net traun!
Im Kopf do kaun ma si olls richtn wie mans wül,
do kaun ma steuern a jedes Gfühl!
Obs jetzt Liebe is oder a an Schmerz,
as Hirn steiert sogor as Herz!
Wenn ma im Kopf net zualosst dass ma sie verliebn möcht,
do kaun kumman wer wül,donn geht des nicht!
Und wenn mans trotzdem Liebe nennt dann solls auch so sein,
dann gebts vorher ocht, dass a ins Kopfal einigeht und wos as Herz donn mocht!


 Mundartdatenbank - Gesammelte Beiträge von Mundartautoren und Lesern zum Nachlesen!