Mundartbeitrag von:
Supersberger Franz - 9500 Villach franz.supersberger@gmail.com
Alle Mundartautoren Mundart-Datenbank |
Flohmorkt I -- Flohmorkt II -- Allansein
Flohmorkt I
Aus zwa Lautsprecha hot
de Volksmusik durchs
Dorf gjodelt. In ana Eckn
vum Dorfplotz homs Brotwirschtln
und Kotlett gegrüllt,
und Bier ausgschenkt.
Hinta de Standln san de
Helfa im Trochtnonzug
gstondn. De Sunn hot
vum Himml obaghazt.
De Dorfleit hom in de
Flohmorktsochn umagwühlt,
oba vur lauta Gschamigkeit
nix kafn getraut.
Om Nochmittog san
de Gostorbeita aus
da Stodt kemman .....
Flohmorkt II
Wonns Fruhjoahr kimmt,
de Költn vaschwind,
dos Eis schmülzt,
da Schnea vur da Tir
vageht,
do liegt da Liebestraum,
dos Wunschkind,
de Hochzeitsreise.
Dös Allansein vur
de Tir ausestölln,
weil Flohmorkt is…..
Allansein
Um nit allansein
in de Stodt einefoahrn,
iban Hauptplotz ghean,
in fremde Gsichta schaun.
Vur de Schaufensta steahn,
mit de Sochn nix onfongan kennan.
In a Cafe einesitzn und
Zeitungen onschaun.
Ban Hamfoahrn hots gregnat….
|