Mundartbeitrag von:
Holl Elisabeth - 4600 Wels elisabeth.holl@outlook.com
Alle Mundartautoren Mundart-Datenbank |
Zugvögi
Oill Jahr,
wann da Hirest kimmt
fliagns fort,
in a wärmas Land,
bei uns müaßatns dafriern,
dö Zugvögö.
In Fruihjoahr
kemmans wieda zruck,
toan Nesterl baun
und Junge ausbriatn,
dö nachand ah wieda
Zugvögö werdn.
A ewiger Kreislauf
in da Natur,
ohne Anfang, ohne End´.
Oba is´s net oft ähnlich
bei dö Menschn ?
Wann iawand oana
nirgends lang bleibt,
nirgends richtig dahoam is;
so oan nennt ma ah
an Zugvogi.
Oba iawand amoi,-
iawand amoi kimmt oana
wieda zruck,-
so a Zugvogi,-
weil a drauf kemma is,
dass´s doh dahoam
am schenstn is.
|