Mundartbeitrag von:
Uhl Paul -
D 94032 Passau
paul-uhl@web.de
Alle Mundartautoren
Mundart-Datenbank |
Mia fojt nix ei...
Und wieda fojt mia goar nix ei,
drum schreib i heit an Schmoarrn.
Es glangt grod für an Blödlvers –
i spuj hot iatzt an Noarrn:
So bau i bloß an Wortsolod
und schreib ojss durchanand
und schliaf – ja, und mit Fleiß iatz grod –
glei nei ins Noarrngwand…
I kunnt ja aa Metaphern schreibm,
de koana recht kapiert,
doch mecht i scho am Teppich bleibm,
dass ojss vastandn wird !
Sunst moant da Leser, i waar gscheid
und, weil er s ned vasteht,
er dümma! – Naa, es liabn Leit,
des mecht i wirkli ned…
Es is, wia s d scho vamutet host
scho glei vo Anfang rei:
I hob, weil mia nix eigfojn is,
an Schmoarrn heit gschriebm – ja, mei!
|
