Mundartbeitrag von:

Uhl Paul    -
D-94036 Passau
paul-uhl@web.de

Triebschnee

Woar ma gestan am Dreisessl…
D Sonn hat gscheint, da Himme blau…
Windig woar s, da Böhmwind blosn
hat do drobm, es woar a Schau:

An de Baam hat er glei ogstaut
Gangln*, Wächtn, Schattn, Liacht…
Oafach pfundig hat des ausgschaut!
Ebbs, wos ma grod sejtn siacht…

Hob drum hundat Bujdln gschossn,
Weil, des is bizarr doch pur!
Schau, da Wind, der is a Künstla…
Herrlich is doch de Natur!


P.U. 21.01.17