Mundartbeitrag von:
Fischer Wilhelm -
A-4650 Lambach
wilhelm.otto.fischer@gmx.net
Alle Mundartautoren
Mundart-Datenbank |
Dö Kraunkn und da Gsunde
Dös Läamsbediafnis insra Zeit
is riesngroß, jo schreckli heit!
Drum san dö Kraunkn, wiakli woah,
uhoamli vü, s is schaudaboa.
Es wümmöt grod so va Neurosn,
van Aungstzuaschtänd und va Psychosn.
Da Stress is heit zatogs modean
und vü gibts, dö schia nix meah hean,
weu min Bumbum - Bumbum - Bumbum
bringans dö Trommöföllar um.
Waunns schtü is, weans oi gaunz neawös
und ned waunns krocht. Eakläats ma dös!
Waunn oana zualost und ned redt,
moanan dö Leit: \"Do schtimmt wos ned\":
Und waunn dea gean am Berig geht
und glickli obm am Güpf
ö schteht,
daweu dö Sunn dö Nocht vajogt,
sogn d Leit:\" Dea schpinnt. Gott sei s geklogt\".
Dear owa mocht an Juchzar und -
is gsund, gaunz pumpalgsund!
|
