Mundartbeitrag von:

Holl Elisabeth    -
A-4600 Wels
elisabeth.holl@outlook.com

A neichs Gwand

A neichs Gwaund is wos Schens,
mit dem hab ich a Freid,
ja, dös ziag ich gern aun
und geh´ gern unter d´Leit.

Am Schenstn vo oilln
is a Trachtngwaund,
da kimmst sicher guat aun
ö dar Stadt und am Laund.

Aber oans is gaunz gwiss,
bist ah auswendig neich;
erscht wauns eiwendig stimmt
is dein Lebm richtig reich.