Mundartbeitrag von:
Seier Jutta -
A-7423 Grafenschachen
8sonne44@gmail.com
Alle Mundartautoren
Mundart-Datenbank |
As zweite Gsicht
Charakta, so songs,
den hot ma, oda hot man nicht,
doch wos bedeit donn as zweiti Gsicht?
Hobs eich heit scha amul in Spieagl gschaut?
Wos ma do gsiag, is oan jo vertraut.
Ma glab, ma is jo eh so guat,
und dass ma koana Fliagn wos tuat.
A Jeda gsiag jo nur oans,wann a si im Spiagl gsiacht,
owa betrochts des amul in an aundan Liacht.
I behaupt va mir, a herznsguata Lotsch zan sei,
doch kaun des im Zorn gaunz aundas sei.
Wann mi wer narrisch mocht, des woass I gaunz genau,
tua I aus aundare Augn ausaschau.
Den Teifelsblick, I hobn eh net oft,
des hom bis hiaz nur wenige gschofft,
Owa hob I amul des Blitzn in d'Augn,
sullt si Koana mehr in mei Nähe traun.
Do bin I net mehr so herznsguat und stül,
do bin I net mehr Herr iwa mei Gfühl.
Gaunz hoart wird a mei Stimm,
und s'Herz kloupft a gaunz schlimm.
D'Haend bolln si zaum zu oana Faust,
und da Mogn varkraumpft, dass ma nur so graust.
Do kinnt I schrei und olls zarschlogn,
I kaun holt a net olls vartrogn.
Wer mi bescheisst und beliagt,
irgendwaunn amul die Rechnung kriagt.
I holt mi eh zruck so laung das geht,
owa wanns donn krocht is z'pät.
A jeda Mensch hot des zweiti Gsicht,
nur koana gern iwa des spricht.
Van zweiten Gsicht hob I mi scha imma gfiarcht,
des hot ba maunchi scha vül Schodn aungricht.
So gsehn, sull ma iwarlegn, wie ma mitanaunda spricht,
donn braucht jo neamt a zweites Gsicht.
Charakta, guata Umgaungston, und Respekt.
Donn bleibt des zweiti Gsicht ba olle guat versteckt.
|
