Mundartbeitrag von:

Hopf Angela    -
A-4600 Wels
angela.hopf@gmx.at

Vagiß mih net (Vergißmeinnicht) Blumengebet

Herrgott,
jeds Joahr
zua Maienzeit,
vaschenk ih
mei zorts blau
mit Herznsfreid.

Füa Maunche
bin ih wundasche(n),
aundare lossn mih
im Vorbeigeh steh(n).

Bei de Oan
derf ih durach
mei Aussehgn
Lieab bekundn
und fühl ih ois Schotz
dem gaunz vabundn.

Im Sträußerlgschenk
aus Kindeshaund
erneiert ih im Mai
´s Muttaherzbaund.

Hümmel Herrgott,
vo meina Geburt au
bis zun Aufblüahn
woar a broada Weg,
drum bitt ih dih,
vagiß mih net.