Mundartbeitrag von:

Hradil Elisabeth    -
A-4650 Lambach
elisabeth.hradil@gmail.com

Frieden 2018

I sitz in da Stubn, es is wieder Advent
a besinnliche Zeit, wann de erste Kerzn brennt
de Stundn der Erwartung, a Ahnung ganz leis
in mir drinn , da klingt a besondere Weis
am Hümmü a Stern leucht eina zu mir
er wü ma was sagn, kimmt ma jetzt via
i denk an de Leit, denens net so guat geht
wo vor lauter Bombn koa Haus nimma steht
an den Hunger des Leid an koa Ruhe im Land
an sovü Unmenschlichkeit, des is doch a Schand
i geh jetzt in Wald mit an ganz andern Gfüh
und werd auf oamoi so dankbar und stü
mit a leisn Hoffnung im Herzn unendlich frei
bitt i in Herrgott lass endlich Friedn wieder sei