Mundartbeitrag von:
Kauntz Gerold -
A-2231 Strasshof
clickit@gmx.at
Alle Mundartautoren
Mundart-Datenbank |
wintazeit, wintafreid!
waunn de easchtn flockaln taunzn,
schpüüt si do a drama oh.
olle faungan's au zum raunzn,
neamd is driwa wiaklich froh.
de aan maanan: "zweng zum rodln!"
d aundan: "brauch' ma s iwahaupt?"
und daunn drahn si no vü dodln
mit da tschääsn, dass ois schtaubt.
WEISSE WEIHNACHT - wia romantisch!
gipshaxn und blechsolot!
"weihnochstschtimmung" - dilletantisch;
wäu ma s hoit wo glesn hot ...
hektik vua den feiatogn
und nua am punschschtaund gliahn de gsichta.
schtress und äaga, krämpf im mogn.
und de flockn foin jetzt dichta ...
und so haumma de bescherung,
gaunz genau, wia jedes joah,
ohne innare bekehrung.
owa: schee woas heia, kloa!
|
