Publikationen
Veranstaltungen

Der beste Beitrag wird als "MundArt des Monats" auf dieser Seite und im EuroJournal veröffentlicht!

Aus unserer Mundartdatenbank

Texte - Gedichte - Märchen
Beiträge in und zur Umgangssprache

MundArt des Monats Autor / Beitrag anmelden Veranstaltungen
Links

Mundartbeitrag von:

Schmidt Gerfried    -
A-8551 Wies
gerfriedschmidt@gmx.at



Alle Mundartautoren
Mundart-Datenbank

Der Rudi vun Steyeregg

Der kluane Rudi lebt in Steyeregg.
Im Dorf, do kennt er an jedn.
Sei Voter is olt und sogg niamer vül,
sei Muatter kau net deitlich redn.

Er kummb in die Vulkschul, do bring er nix zsomm.
Er lernt net gscheit rechnen und schreibm.
Der Direkta mog si mit dem Ludl net schern
Und losst iahm zwoamol sitzen bleibm.

Er kummb in die Hauptschul, unten in Wies.
Sei Zeignis is vuller Fleck.
Jo, wos sulln se do mochen, der hot senn nou gföhlt
der Trouttl vun Steyeregg!

Nur ua junger Lehrer, der redt mit dem Buam.
Donn schreit er: "Sads des olle blind?
Der Rudi is gscheiter wia vüle vun eich
nur härter ghob hot er s als Kind!"

Des homm olle vergessen, des woaß kuaner mehr.
Der Rudi wouhnt heit in Wian,
hot gschepft und hot glernt auf der Akademie
do wor er net z bled zum Studiern.

Und de jungen Leit, de s net sou guat homm,
de hülft er außa vum Dreck;
des is sei Beruf und des mocht er aa gern
der Rudi vun Steyeregg.


 Mundartdatenbank - Gesammelte Beiträge von Mundartautoren und Lesern zum Nachlesen!