Mundartbeitrag von:

Schmidt Gerfried    -
A-8551 Wies
gerfriedschmidt@gmx.at

Drah ma um!

I steig ei ins Schifferl und sitz mi glei hin.
I bin allua mit dir.
Eigentlich woaß i net, wou i do bin,
und net, wos i do gspiar.
I schau aufs Wosser und in deine Augn,
schau durch n Nebel vur mir.
Du host die Jausn, die Ruder homm i
se liegn auf meine Knia.

Und mir samma schoa draußen, des Ufer is weit,
ouwer uns nur die Sunn.
Mir toama redn und vergessma die Zeit.
I homm scho völli gwunn.
I schau aufs Wosser und in deine Augn,
i hear dei Stimm im Wind.
I schau in Himmel und merk immer mehr,
wia s auf uns ouwabrinnt.

Jo, mir homm uns verkeppelt und homm uns verfohrn.
Siahgst du nou unsern Strond?
Enten, wou eanter die Wöllen nur worn,
leichtet a neiges Lond.
I schau aufs Wosser in deine Augn,
du bist auf uamol sou stumm.
Hinten dahuam, do wortn s auf uns.
I muan, hiaz drah ma um!